અમદાવાદઃ સોમવારનો દિવસ રોકાણકારો માટે નિરાશાજનક રીતે શરૂ થયો છે. માર્કેટ શરૂ થતાં જ સોના અને ચાંદીના ભાવને લઈને માઠા સમાચાર આવ્યા છે. બજાર ખુલતાની સાથે જ મહત્ત્વની બે કિંમતી ધાતુના ભાવમાં ઘટાડો જોવા મળ્યો છે. ખાસ કરીને ચાંદીના ભાવમાં મોટું ગાબડું પડ્યું છે. માર્કેટ શરૂ થતાં જ ચાંદીના ભાવમાં મોટો કડાકો બોલી ગયો હતો. ચાંદીનો અગાઉનો બંધ ભાવ (Prev. Close) ₹2,44,360.00 હતો, જેની સામે આજે બજાર ₹2,38,489.00 પર ખૂલ્યું હતું. બજાર ખુલતાની સાથે જ ચાંદીના ભાવમાં સીધો ₹5000થી વધારે ભાવનો ઘટાડો નોંધાયો હતો. ચાંદીનો ભાવ સવારે 11.30 કલાકે ₹2,35,789ને સ્પર્શી ગયો હતો. અત્યાર સુઘીમાં ચાંદીના ભાવમાં કુલ ₹8571 ઘટી ચૂક્યા છે. જેના કારણે રોકાણકારો ચિંતામાં છે.
સોનાના ભાવમાં પણ મોટો ઘટાડો
ચાંદીની સાથે સોનાના ભાવમાં પણ મોટો ઘટાડો જોવા મળ્યો છે. સોનામાં ભાવ ઘટાડો થતા રોકાણકારોને સીધી અસર થઈ છે. સોનાનો અગાઉનો બંધ ભાવ ₹1,55,895.00 પ્રતિ 10 ગ્રામ હતો. સોમવારે સોનું ₹1,54,999.00 ના ભાવે ખૂલ્યું હતું. બજાર ખુલતાની સાથે જ સોનામાં અગાઉના બંધ ભાવની સરખામણીએ ₹896નો ઘટાડો જોવા મળ્યો હતો. આ પછી સોનાના ભાવમાં મોટો ઘટાડો થયો હતો. સોનામાં પણ તેના પાછલા બંધ ભાવથી ₹1,500થી વધુનો કડાકો જોવા મળ્યો છે, જોકે સમાચાર લખવા સુધીમાં સોનામાં થોડીક રિકવરી દેખાઈ હતી અને તેની કિંમત ₹1,54,687 રૂપિયા પર ટ્રેડ થવા લાગી હતી.
