ગુજરાતમાં કચ્છ અને સૌરાષ્ટ્રના વિસ્તારોમાં વારંવાર ભૂકંપના આંચકા આવી રહ્યાં છે. આજે વહેલી સવારે પણ કચ્છના રાપરમાં ધરતી ધ્રુજી હતી. રાપરમાં આજે સવારે પોણા છ વાગ્યાની આસપાસ ભૂકંપનો આંચકો અનુભવાયો હતો. 2.5ની તીવ્રતાનો આંચકો આવતા લોકો ઘરની બહાર દોડી આવ્યા હતાં. ભૂકંપનું કેન્દ્રબિંદુ રાપરથી 19 કિ.મી દૂર હોવાનું જાણવા મળ્યું છે.
ડિસેમ્બર મહિનામાં પણ બે વખત ભૂકંપના આંચકા આવ્યા હતાં
કચ્છમાં ગત ડિસેમ્બર મહિનામાં પણ બે વખત ભૂકંપના આંચકા આવ્યા હતાં. ભૂકંપને કારણે કોઈ જાનહાની થઈ નહોતી. આજે સવારે આવેલા ભૂકંપનું કેન્દ્રબિંદુ રાપરના ખેંગારપર ગામની નજીક 19 કિ,મી ઉંડાઈમાં હોવાનું જાણવા મળ્યું છે. આ ભૂકંપના આંચકા રાપર, ભચાઉ અને અંજાર સહિતના વિસ્તારોમાં અનુભવાયા હતાં. કચ્છના રાપરમાં અગાઉ 26 અને 24 ડિસેમ્બર 2025ના રોજ પણ અનુભવાયા હતાં.ભૂકંના આંચકાને કારણે લોકોમાં ડર ફેલાયો હતો.
