મોરબીઃ મોરબી શહેરમાં SIRની કામગીરીને લઈ સુપરવાઈઝરની તબિયત લથડતા તાત્કાલિક હોસ્પિટલ ખસેડાયા હતા. L.E. કૉલેજના પ્રોફેસરની તબિયત કામગીરી કરતી વખતે લથડતા તાત્કાલિક સારવાર માટે ખસેડવામાં આવ્યા હતા. રાજ્યભરમાં ચાલી રહેલા મતદાર યાદી સુધારણામાં અનેક BLO અને સુપર વાઈઝર કામના દબાણથી અનિચ્છનીય પગલાં લઈ રહ્યા છે. બીજી તરફ ઓનલાઈન કામગીરીમાં સર્વર સ્લો હોવાના બનાવ પણ બન્યા છે.
ફોર્મની તપાસ કરી રહ્યા હતા
મોરબીની એલ.ઈ. કૉલેજના પ્રોફેસર મનીશભાઈ જેઠવા સુપરવાઈઝર તરીકે કામ કરી રહ્યા છે. બુધવારે સવારે પ્રાંત કચેરીએ ફોર્મની તપાસ કરી રહ્યા છે. આ સમયે અચાનક બ્લડપ્રેશર લૉ થતાં તબિયત લથડી હતી.જેથી પ્રાંચ કચેરીમાં હાજર રહેલા અન્ય કર્મચારીઓએ તાત્કાલિક 108 બોલાવીને સારવાર માટે ખસેડાયા હતા. સરકારી શાળા અને કૉલેજના શિક્ષકો-પ્રોફેસરોને BLO અને BLO સુપરવાઇઝર
તરીકે વિશેષ જવાબદારી સોંપવામાં આવી છે. શિક્ષણ સિવાયની કામગીરીમાં સ્ટાફ રોકાઈ જતા સતત દબાણ અનુભવી રહ્યા છે.
